PATIK NI DEBATA

Patik Parjolo

Ahu do Jahowa Debatam! ninna Debatanta. Ndang jadi marangkup Ahu bahenonmu Debatam.

Patik Paduahon

Ndang jadi ganaonmu jala ndang jadi sumanonmu manang aha na di

Banuaginjang dohot na di banuatonga on ro di na di bagasan aek na di toru ni tano, ianggo tung gabe sisombaon manang sioloan.

Patik Patoluhon

Ndang jadi dohonon goar ni Debata, ianggo so ture dalanna. Ai hona uhumNa do sogot angka na marsineang di goarNa.

Patik Paopathon

Ingot hamu ma pabadiahon ari minggu i! Dina onom ari ma ula hamu nasa siulaonmu, alai anggo ari papituhon i, ari paradianan ni Jahowa Debatam do i. Ndang jadi ho mangula anggo na sadari i manang anakmu pe manang borum, manang naposom lahilahi manang naposom boruboru, ro di pinahanmu ro di pangisi ni huta ni halak pe na mangebati hutam. Ai di onom ari ditompa Debata langit dohot tano dohot laut dohot nasa isina; dung i maradian do Ibana di ari papituhon i. Dibahen i do umbahen na dipasupasu Debata ari paradiananmuna i jala diparbadiai

Patik Palimahon

Ingkon pasangaponmu do natorasmu asa martua ho jala leleng mangolu di tano na nilehon ni Jahowa Debatam di ho.

Patik Paonomhon

Unang ho mamunu!

Patik Papituhon

Unang Ho mangalangkup!

Patik Paualuhon

Unang Ho manangko !

Patik Pasiahon

Unang ho manghatindanghon hata na so tutu aralohon dongan jolma.

Patik Pasampuluhon

Ndang jadi haliangan ni roham bagas ni donganmu, ndang jadi haliangan ni roham dongan saripe ni donganmu, manang naposona baoa manang naposona boruboru, manang lombuna manang hodana, manang dia pe ugasan ni donganmu.